Монгол Улсын Засгийн газрын 2017 оны 67 дугаар тогтоолоор жил бүрийн гуравдугаар сарын дөрөв дэх долоо хоногийн лхагва гарагийг “Газар хөдлөлтийн аюулаас урьдчилан сэргийлэх, таниулах өдөр” болгох шийдвэрийг гаргасан бол пүрэв гарагт Зарлан мэдээллийн дуут дохиогоор ажилладаг уламжлалтай.

Үүний дагуу  өнөөдөр буюу 03 дугаар сарын 25-ны өдөр “Газар хөдлөлтийн аюулаас урьдчилан сэргийлэх, таниулах өдөр” тохиож байна.

Энэ жилийн хувьд “Газар хөдлөлтийн гамшгаас урьдчилан сэргийлэх, таниулах өдөрлөг”-ийн удирдамжийг Монгол Улсын Шадар сайдаар батлуулан цаг үеийн нөхцөл байдалтай уялдуулан телевиз болон хэвлэл мэдээллийн хэрэгслээр сурталчилж, таниулах ажлыг зохион байгуулж байна.  

Мөн Онцгой байдлын ерөнхий газраас БСШУСЯ-ны харьяа Насан туршийн боловсролын үндэсний төвтэй байгуулсан хамтран ажиллах санамж бичгийн хүрээнд нийслэлийн Онцгой байдлын газрын Гамшгаас хамгаалах сургалт аргазүйн төвийн сургагч багш нар “Газар хөдлөлтийн аюулаас урьдчилан сэргийлэх”, “Аюулгүй-Өрх”, “Гал түймрийн аюулаас урьдчилан сэргийлэх нь” сэдэвт теле хичээлийг бэлтгэж, олон нийтэд хүргэж байгаа юм.

Он гарсаар монгол орны нутаг дэвсгэр болон хил орчмын бүс нутагт нийт 14895 удаагийн газар хөдлөлт болсон байна. Үүнээс магнитуд нь 3.5 болон түүнээс дээш хүчтэй газар хөдлөлт 19 удаа болж, 12 тохиолдол нь иргэдэд  мэдрэгдсэн байна гэж Онцгой байдлын ерөнхий газраас мэдээллээ.

Аймгийн ИТХ-аас 2019 оныг "Ахмадыг дэмжих жил" болгон зарласантай холбогдуулан сумын ИТХ-аас ажлын хэсэг байгуулан 2 дугаар сарын 27-ны өдөр хуралдаж 5 чиглэл 32 заалтаар ажлын төлөвлөгөөг боловсруулж баталлаа.

Сумын Засаг дарга, байгууллагын дарга, эрхлэгч нартай 2019 онд хамтран ажиллах үр дүнгийн гэрээгээ 2 дугаар сарын 27-ны өдөр байгууллаа.

Тус сумын Нутгийн зөвлөлийн уулзалт, золголтыг Улаанбаатар хотод 2 дугаар сарын 14-ний өдөр зохион байгууллаа. Уулзалт золголтонд 50 гаруй ахмад хүрэлцэн ирж нэг өдрийг хамтдаа сайхан өнгөрүүллээ.  

Буянт мал сүргээ өсгөн үржүүлж, улиран одож буй "Тийн унжлагат" хэмээх шороон нохой жилийн аймгийн "Шилдэг залуу малчин" /Залуучуудын холбооны шагнал/-аар шалгарсан тус сумын Шар тал багийн малчин Ж.Сайнжаргалд сумын Засаг дарга Б.Ёндон, аймгийн Залуучуудын холбооны дарга, Б.Баярбат, залуучуудын холбооны төлөөллийн хамт шагналыг гардуулан өглөө.

XVII жарны "Тийн унжлагат" хэмээх шороон нохой жилийн сумын "Сайн малчин"-аар Шар тал багийн малчин П.Батбаяр, Б.Санжаа, М.Пүрэвдорж, "Алдарт уяач"-аар Л.Нямдорж, П.Алтангэрэл, Ж.Олонбаяр, "Шилдэг уяач"-аар З.Насанбуян, "Унаач хүүхэд"-ээр О.Ононмөрөн, "Мянгат малчин"-аар Н.Мягмарсүрэн, П.Отгонбаяр нарыг шалгаруулж шагнаж урамшууллаа. 

Сар шинийн баярыг угтаж 1 дүгээр сарын 21-ний өдөр нийтийг хамарсан ажлын хүрээнд хогийн цэгийг цэвэрлэх ажлыг төсөлд хамрагдаж буй өрхийн гишүүд, 1 дүгээр сарын 24-ний өдөр сумын төв хэсэг дэх хог хаягдлыг хүнсний эрхийн бичигт хамрагддаг 17 өрхийн иргэд тус тус хийж гүйцэтгэлээ.

Сумын Засаг даргын зөвлөл 2019 оны анхны хурлаа хуралдаж "Сумын сайн малчин", Алдарт уяач, Засаг даргын нөөц сангаас 1-р улиралд зарцуулах төсөв, төрийн захиргааны зарим албан хаагчдын ажлын тайланг тус тус хэлэлцэж шийдвэрлэлээ.